ដំណើរទស្សនកិច្ចសិក្សារបស់ ឯកឧត្តម សេង តុលា នាយកប្រតិបត្តិពហុកីឡដ្ឋានជាតិ និង សហការី នៅទីក្រុងកូឡាឡាំពួរ ប្រទេសម៉ាឡេស៊ី

នាថ្ងៃទី១៣ ដល់ថ្ងៃទី១៦ ខែវិច្ឆិកា គ.ស. ២០២៤ ឯកឧត្តម សេង តុលា នាយកប្រតិបត្តិពហុកីឡដ្ឋានជាតិ បានដឹកនាំសហការី បំពេញទស្សនកិច្ចសិក្សានៅទីក្រុងកូឡាឡាំពួរ ប្រទេសម៉ាឡេស៊ី ដើម្បីដកស្រង់បទពិសោធន៍ការងារពាក់ព័ន្ធការគ្រប់គ្រង ថែទាំពហុកីឡដ្ឋាន និងការរៀបចំព្រឹត្តិការណ៍នានា។ នាឱកាសនេះ ប្រតិភូនៃពហុកីឡដ្ឋានជាតិ បានជួបពិភាក្សាជាមួយនាយកវិទ្យាស្ថានជាតិកីឡា (National Sports Institute-NSI), អគ្គនាយកក្រុមប្រឹក្សាកីឡាជាតិ (National Sports Council-NSC) និង នាយកប្រតិបត្តិពហុកីឡដ្ឋាន Merdeka Stadium ព្រមទាំងបានធ្វើទស្សនកិច្ចទៅពហុកីឡដ្ឋាន រួមមាន៖ Bukit Jalil Sports City, Kuala Lumpur Sports Complex, Perbadanan Stadium Malaysia និង Merdeka Stadium។