១. កីឡាគុនល្បុក្កតោ

១.១     ទីលានប្រកួត

·         ទីលានប្រកួតប្រយុទ្ធមានទំហំ ១២ម៉ែត្រ គុណ ១២ម៉ែត្រ

·         ទីលានប្រកួតសម្តែងមានទំហំ ១២ម៉ែត្រ គុណ ១២ម៉ែត្រ

·         គ្រប់ទីលានប្រកួត ផ្ទៃបច្ចេកទេសត្រូវមានកម្រាលកៅស៊ូ

·         ភ្ជាប់មកជាមួយនូវ រូបភាពគំរូទីលានក្នុងតារាងឧបសម្ព័ន្ធ។

១.២    ឯកសណ្ឋានប្រកួត និង សម្ភារៈបច្ចេកទេសប្រកួត

១.២.១  ឯកសណ្ឋានប្រកួត ៖

• ក្បិន (ខៀវ ឬ ក្រហម)
• ក្រម៉ា (សម្រាប់ចងក្បាល និងចងចង្កេះ)
• ប្រថាប់ដៃ (ឆ្វេង ស្តាំ)
• ខ្សែអំបោះឆៅរុំដៃ (ឆ្វេង ស្តាំ)

១.២.២ សម្ភារៈប្រកួត ៖

• ហ្គង់ចេញម្រាមដៃ (ឆ្វេង ស្តាំ)
• មួកការពារក្បាល
• អាវការពារ
• ប្រដាប់ការពារកែងដៃ (ឆ្វេង ស្តាំ)
• ប្រដាប់ការពារជើង (ឆ្វេង ស្តាំ)

១.៣     វិញ្ញាសារប្រយុទ្ធ និង ថេរវេលាប្រកួត

ការប្រកួតមានចំនួន ០២ទឹក ក្នុងមួយទឹក ០២នាទី សម្រាក៣០វិនាទីចន្លោះទឹក កីឡាករមាន ០៥ប្រភេទទម្ងន់គឺ ៤៨-៥០គ.ក្រ ៥២-៥៤គ.ក្រ ៥៦-៥៨គ.ក្រ ៦០-៦២គ.ក្រ ៦៤-៦៦ គ.ក្រ កីឡាការនីមាន ៤ប្រភេទទម្ងន់គឺ ក្រោម៤៥គក្រ ៤៨-៥០គ.ក្រ ៥៣-៥៥គ.ក្រ ៥៨-៦០គ.ក្រ

១.៤     វិញ្ញាសារសម្តែង

• ឯកត្តជនបុរស ទ្វារមេគុនដៃ ទ្វារមេគុនព្រលឹងល្បុក្កតោ ទ្វារមេគុនអាវុធគ្មានមុខ ទ្វារមេគុនអាវុធមានមុខ
• ក្រុមបុរស ទ្វារមេគុនដៃ (០៣នាក់) សមប្រយុទ្ធ (០១ ទល់ ០១)
• ឯកត្តជននារី ទ្វារមេគុនដៃ ទ្វារមេគុនព្រលឹងល្បុក្កតោ ទ្វារមេគុនអាវុធគ្មានមុខ ទ្វារមេគុនអាវុធមានមុខ
• ក្រុមនារី ទ្វារមេគុនដៃ (០៣នាក់)
• ក្រុមចម្រុះ សមប្រយុទ្ធ (នារី ០១នាក់ និង បុរស០១នាក់)

១.៥     លក្ខខណ្ឌអនុញ្ញាត

• កីឡាករ កីឡាការិនីគុនល្បុក្កតោជាសមាជិក មានសិទ្ធចូលរួមគ្រប់កម្រិតថ្នាក់ជាតិ និង អន្តរជាតិ ។
• កីឡាករ កីឡាការិនីក្រុមអាយុពេញវ័យ ចាប់ពី ១៨ឆ្នាំ​ ដល់៤៥ឆ្នាំ យុវវ័យចាប់ពី ១៧ឆ្នាំ ដល់១៨ឆ្នាំ វ័យជំទង់ចាប់ពី១៥ឆ្នាំ ដល់១៦ឆ្នាំ និងវ័យកុមារចាប់ពី ១២ឆ្នាំ ដល់១៤ឆ្នាំ អាចចូលរួមប្រកួតតាមកម្រិតវ័យ និងកម្រិតបច្ចេកទេស ។
• កីឡាករ កីឡាការិនីម្នាក់ មានសិទ្ធិអាចចូលរួមប្រកួតវិញ្ញាសាប្រកួតតែមួយប្រភេទទម្ងន់ និងវិញ្ញាសាសម្តែងតែមួយប្រភេទសម្តែង តែប៉ុណ្ណោះ ។

១.៦     លក្ខខណ្ឌមិនអនុញ្ញាត

• កីឡាករ កីឡាការិនី ខុសវ័យ ខុសកម្រិតអាយុ
• កីឡាករ កីឡាការិនី មានលក្ខណៈសុខភាពមិនអនុគ្រោះ
• កីឡាករ កីឡាការិនី បាត់ស្មារតីកីឡា
• កីឡាករ កីឡាការិនី រំលោភបទបញ្ញាការប្រកួត និង ក្រមសីលធម៏កីឡា ។