បទបញ្ជាបច្ចេកទេសកីឡា (កីឡាវាយកូនឃ្លីលើតុ)
៩. កីឡាវាយកូនឃ្លីលើតុ
៩.១ វិញ្ញាសា
ក្នុងមួយវិញ្ញាសាប្រកួតបែងចែកជាពីរ
- ក្របខណ្ឌក១ ត្រូវមានអាយុចាប់ពី ១៩ឆ្នាំឡើងទៅ មាន ០៤វិញ្ញាសា
- ប្រកួតជាក្រុម បុរស
- ប្រកួតជាគូបុរស
- ប្រកួតជាឯកត្តជនបុរស (ម្នាក់ទល់នឹងម្នាក់)
- ប្រកួតជាឯកត្តជននារី (ម្នាក់ទល់នឹងម្នាក់)
- ក្របខណ្ឌក២ ត្រូវមានអាយុក្រោម ១៨ឆ្នាំ មាន វិញ្ញាសាប្រកួតចំនួន០៤
- ប្រកួតជាក្រុមបុរស
- ប្រកួតជាគូបុរស
- ប្រកួតជាឯកត្តជនបុរស (ម្នាក់ទល់នឹងម្នាក់)
- ប្រកួតជាឯកឯកត្តជននារី (ម្នាក់ទល់នឹងម្នាក់)
វិញ្ញាសាប្រកួតជាក្រុម (បុរសក១ និងក២) សមាគម ឬក្លឹបនីមួយៗត្រូវមានកីឡាករចូលរួមច្រើនតិច ០៣នាក់និងយ៉ាងច្រើន ០៥នាក់
- វិញ្ញាសាប្រកួតជាឯកត្តជនបុរស (ក១ និងក២) សមាគម ឬក្លិបនីមួយៗត្រូវមានកីឡាករចូលរួមយ៉ាងច្រើន ០៣នាក់
- វិញ្ញាសាប្រកួតជាគូ បុរស (ក១ និងក២) សមាគម ឬក្លិបនីមួយៗអាចមានកីឡាករចូលរួមយ៉ាងច្រើន០២គូ
- វិញ្ញាសាប្រកួតជាឯកត្តជននារី (ក១ និងក២) សមាគម ឬក្លឹបនីមួយៗ អាចមានកីឡាការិនីចូលរួមចំនួនយ៉ាងច្រើន ០៥នាក់
- ចំពោះការដាក់ពាក្យចូលរួមប្រកួតសមាគម ឬក្លឹបនីមួយៗ ត្រូវមានការទទួលស្គាល់ពីសំណាក់អង្គភាពសាម៉ីផ្ទាល់ ឬពីមន្ទីរ-រាជធានី/ខេត្តផ្ទាល់របស់ខ្លួន
- ប្រសិនបើកីឡាករណា ដែលគ្មានសមាគមឬក្លឹប ពួកគេអាចមកចុះឈ្មោះផ្ទាល់ជាមួយនឹងសហព័ន្ធកីឡាវាយកូនឃ្លីលើតុកម្ពុជាក្នុងការប្រកួតជាឯកត្តជន។
៩.២ រូបមន្តចាត់តាំងប្រកួត
រូបមន្តប្រកួតជាក្រុម បុរសក១ ក២ ប្រកួតតាមរូបមន្ត Olympic System មានប្រព័ន្ធដូចខាងក្រោម៖
| វិញ្ញាសា | ក្រុម (A B C) | ប្រកួត | ក្រុម (X Y Z) |
| ឯកត្តជន | A | Vs | X |
| ឯកត្តជន | B | Vs | Y |
| សម្រាក០៥នាទី | |||
| គូ | C + (A ឬ B) | Vs | Z + (X ឬ Y) |
| សម្រាក០៥នាទី | |||
| ឯកត្តជន | A ឬ B ដែលមិនបានចូលរូម | Vs | Z |
| ឯកត្តជន | C | Vs | X ឬ Yដែលមិនបានចូលរូម |
- រូបមន្តប្រកួតជាក្រុមឬឯកត្តជនបុរសនារី ការប្រកួតតាមរូបមន្តវិលជុំ ចំណែករូបមន្តចាត់តាំងការប្រកួតគណៈកម្មការរៀបចំការប្រកួត នឹងសម្រេចចិត្ត ចាត់តាំងទៅតាមចំនួនអ្នកដែលមានការចូលរួម។
- រូបមន្តប្រកួតគូ បុរស ក១ ក២ អនុវត្តតាមរូបមន្ត (knock out System) ។
- រូបមន្តវិលជុំអ្នកឈ្នះទទួលបាន ០៣ពិន្ទុ អ្នកចាញ់ទទួលបាន ០១ពិន្ទុ អ្នកបោះបង់ការប្រកួតត្រូវចិត្តទុកជាមោឃៈ។ ប្រសិនបើមាន ពីរក្រុមឬពីរនាក់ ត្រូវទទួលបានពិន្ទុស្មើគ្នា ត្រូវគិតក្នុងពេលប្រកួត បើអ្នកណាឈ្នះគឺចាត់ទុកអ្នកនោះជាអ្នកឈ្នះ។ ប្រសិនមានបីនាក់ឡើងទៅ ត្រូវយកអ្នកមានពិន្ទុស្មើគ្នានោះមកបូកសិតឈ្នះ និងសិតចាញ់ អ្នកណាបានសិតឈ្នះច្រើនអ្នកនោះចាត់ទុកថាជាអ្នកឈ្នះ ។
៩.៣ ការបោះបង់ការប្រកួត
- ការប្រកួតជាក្រុម ឬជាឯកត្តជន ប្រសិនបើក្រុម ឬកីឡាករណាមួយបោះបង់ការប្រកួតមុនពេលប្រកួត ឬនៅកំឡុងពេលប្រកួតដោយដើរចេញពីទីលានប្រកួត នោះគណៈកម្មការរៀបចំការប្រកួតនឹងសម្រេចឱ្យចាញ់ជាស្វ័យប្រវត្តិ និងផ្ដល់ពិន្ទុនិងជ័យជម្នះទៅឱ្យក្រុម ឬកីឡាករម្ខាងទៀត។
- ចំពោះក្រុម ឬកីឡាករណាដែលបោះបង់ការប្រកួត នឹងត្រូវទទួលការព្រមានរដ្ឋបាលពី គណៈកម្មការរៀបចំការប្រកួតដល់សាម៉ីសមាគម ហើយត្រូវបញ្ឈរជើងមិនឱ្យចូលរួមប្រកួតនៅឆ្នាំបន្ទាប់ និងត្រូវពិន័យដោយការដកហូតការឧបត្ថម្ភទាំងស្រុង។
- បើភាគីប្រកួតណាមួយ មកយឺតជាងការចាប់ផ្ដើមប្រកួត ២០នាទីត្រូវបានចាត់ទុកថាបានបោះបង់ ការប្រកួត។
៩.៤ ការតវ៉ា
- ការតវ៉ាត្រូវភ្ជាប់មកជាមួយនូវពាក្យតវ៉ា និងបង់ប្រាក់សិទ្ធិតវ៉ាចំនួន ២០០,០០០រៀល (ពីររយពាន់រៀល)។
- ការតវ៉ាត្រូវសរសេរជាលាយលក្ខណ៍អក្សរយកមកជូនគណៈកម្មការរៀបចំការប្រកួត។
- មានតែគ្រូបង្វឹកតែម្នាក់គត់ដែលមានសិទ្ធិក្នុងការតវ៉ា។
- មិនមានការអនុញ្ញាត ណាមួយប្រឆាំងនឹងការសម្រេចជាក់ស្តែងរបស់អាជ្ញាកណ្ដាលដែលកំពុងតែបញ្ជា ការប្រកួតឡើយ ។
- ការតវ៉ាផ្សេងៗ មានសិទ្ធិគ្រប់គ្រាន់ នៅក្រោយការប្រកួតរយៈពេល៣០នាទី បើហួសរយៈពេលនេះ គណៈកម្មការរៀបចំការប្រកួតនឹងមិនទទួលយកការតវ៉ាឡើយ ។
៩.៥ បទបញ្ជាក្នុងការប្រកួត
- កីឡាករ ឬកីឡាការិនីទាំងអស់ ដែលចូលរួមក្នុងការប្រកួតកីឡាវាយកូនឃ្លីលើតុ ត្រូវមានសញ្ជាតិខ្មែរ
- កីឡាករម្នាក់ៗត្រូវមានសម្ភារៈដូចជា ខោខ្លី អាវយឺត ស្បែកជើងប៉ាត់តា ត្រូវមានជាដាច់ខាត។
- ការបញ្ជាក់៖ ការប្រកួតក្រុមឬជាគូ កីឡាករ ឬកីឡាការនី ត្រូវមានសំលៀកបំពាក់ដូចគ្នា (សំលៀកបំពាក់ដែលប្រើប្រាស់ក្នុងការប្រកួតមិនអនុញ្ញាតឱ្យប៉ាពណ៌សជាដាច់ខាត) ចំពោះរ៉ាកែតដែលប្រើប្រាសត្រូវមាន ០២ពណ៌ខុសគ្នាច្បាស់ និង ត្រូវមានការទទួលស្គាល់ស្តង់ដារពីសហព័ន្ធអន្តរជាតិ ។
- ការប្រកួតវិញ្ញាសានីមួយៗ ក្នុងមួយសិនមាន ១១ពិន្ទុ។
- ការប្រកួតជាក្រុមនិងជាគូក្នុងមួយវគ្គប្រកួតមានចំនួន ០៥សិត បើកីឡាករណាឈ្នះបាន ០៣សិតមុនចាត់ទុកជាអ្នកឈ្នះក្នុងវគ្គប្រកួតមួយនោះ
- ការប្រកួតជាឯកត្តជន ក្នុងការប្រកួតវគ្គជម្រុះក្នុងពូល មានចំនួន ០៥សិត បើកីឡាករឬកីឡាការិនីរូបណាឈ្នះបាន ០៣សិតមុន ត្រូវចាត់ទុកជាអ្នកឈ្នះ។
- ការប្រកួតឯកត្តជន ក្នុងការប្រកួតខ្វែងរហូតដល់វគ្គផ្ដាច់ព្រ័ត្រ គណៈកម្មការរៀបចំការប្រកួតនិងដាក់ការប្រកួតដោយមានចំនួន ០៧សិត បើកីឡាករឬកីឡាការិនីរូបណា ឈ្នះបានបួនសិទ្ធិមុន ទើបចាត់ទុកថាជាអ្នកឈ្នះក្នុងក្នុងវគ្គនោះ។
- ការប្រកួតត្រូវអនុវត្តតាមច្បាប់នៃសហព័ន្ធអន្តរជាតិ International Table Tennis Federation (ITTF) ។
- ការបើកសេវ៉ា (The service)
- គ្រាប់ប៉េងប៉ុងត្រូវដាក់ឱ្យនឹង មិនរង្គើរ និងចំកណ្ដាលបាត់ដៃ គ្រាប់ប៉េងប៉ុងមិនត្រូវក្តាប់ និងមិនត្រូវធ្វើឱ្យគ្រាប់ប៉េងប៉ុងវិលទេនៅពេលដែលបោះគ្រាប់ឡើងទៅលើ ។
- បាតដៃដែលដាក់គ្រាប់ប៉េងប៉ុងត្រូវស្ថិតនៅនឹងផ្ទៃតុ និងនៅក្រោយខ្សែបន្ទាត់ទទឹងតុ ។
- គ្រាប់ប៉េងប៉ុងត្រូវបោះឡើងទៅលើអោយបានកំពស់ពីផ្ទៃបាតដៃយ៉ាងហោចណាស់ ១៦សង់ទីម៉ែត្រ ត្រង់ទៅលើនិងមិនត្រូវឱ្យកោងលើសពី ៤៥ដឺក្រេ ។
- ពេលបើកសេវ៉ា ត្រូវអោយអាជ្ញាកណ្ដាលនិងជំនួយការអាជ្ញាកណ្ដាលបានឃើញទាំងអស់ ដៃដែលបោះគ្រាប់ប៉េងប៉ុងត្រូវយកចេញពេលបោះរួច។
- ពិន្ទុចាប់ពី ១០ស្មើឡើងទៅ កីឡាករណាប្រកួតឈ្នះពីរពិន្ទុមុន ទើបចាត់ទុកថាជាអ្នកឈ្នះក្នុងសិតនោះ
- ប្រព័ន្ធនៃការលេងប្រញាប់ (The Expedite System)
- នៅពេលដែលរយៈពេលប្រកួតនៅក្នុងសិតណាមួយ យូររហូតដល់ ១០នាទីហើយ ពិន្ទុសរុបរបស់កីឡាករភាគីទាំងពីរបូកចូលគ្នាបានតិចជាង ១៨ពិន្ទុ នោះការប្រកួតនឹងទៅចាប់ផ្ដើមលេងតាមប្រព័ន្ធនៃការលេងប្រញាប់ (The Expedite System) ជាការរាប់ចំនួនប៉ះ
- កីឡាករទាំងពីរ នឹងត្រូវបើកសេវាម្នាក់មួយពិន្ទុ ឆ្លាស់គ្នារហូតដល់ចប់ការប្រកួត។ ពិន្ទុនឹងបានទៅលើភាគីអ្នកទទួលសេវា បើសិនជាអាចវាយបកបានត្រឹមត្រូវវិញរហូតដល់ ១៣ប៉ះ ។
- ក្នុងករណីប្រើប្រាស់ ប្រព័ន្ធលេងមកជាលេងប្រញាប់(The Expedite System)ហើយនោះ ការប្រកួតនឹងត្រូវអនុវត្តប្រព័ន្ធនេះរហូតដល់ចប់មួយវគ្គប្រកួត។
តាមដានព្រឹត្តិការណ៍ថ្មីៗ
Morodok Techo National Stadium is officially managed and operated by the National Sports Complex (NSC), under the Ministry of Education, Youth and Sport, Kingdom of Cambodia.
Ly Yongphat St, Sangkat Prek Tasaek, Khan Chrouy Changvar, Phnom Penh, Cambodia (មើលផែនទី)
ព័ត៌មាន និងបច្ចុប្បន្នភាពពហុកីឡដ្ឋាន
តាមដានព័ត៌មានកីឡា អត្ថបទ និងអត្ថប្រយោជន៍ពីពហុកីឡដ្ឋានជាតិ។
